ودعي الديكور التقليدي – لوني أبواب بيتك

ودعي الديكور التقليدي – لوني أبواب بيتك

إتعودنا طول عُمرنا على الأبواب بالألوان الحيادية زي الأبيض، الإسود، والبُني بدرجاتهم.

وبما إننا في تايلز تولز دايماً بندوّر على التجديد وبنحاول نعرض أفكار لديكورات وتشطيب غير تقليدي، جبنالكوا هنا صور وأفكار لأبواب ملونة ومُبهجة تقدر تعملها بسهولة لو بتشطب شقة جديدة أو بتحاول تغير تشطيب شقتك وتجددها.

    • اللون الأصفر معروف عنه إنه لون مُبهج بيدي إحساس بالطاقة والحيوية في البيت. مُمكن تستخدميه في أوضة السفرة أو أوض الأطفال هيزود عندهم الإبداع والنشاط.

    • الكُحلي بدرجاته لون أنيق لو إستخدمتيه في الأبواب هيديكي إحساس بالرقي والأصالة وفي نفس الوقت هو لون جديد ومش مُستخدم كتير،

    • مُمكن كمان لو شقتك مودرن تعملي الباب نُصين كُل نُص بلون وياريت لو تختاري ألوان مُتناسبة زي الأبيض والأصفر أو التركواز والأصفر،

    • أمّا اللون الأحمر فبيتم إستخدامه بشكل أكبر في الأبواب الكبيرة زي باب الشقة أو الريسبشن،

    • اللون البينك أو الوردي لون ناعم وهادي مُمكن يُستخدم في أوض البنات هيدي شكل جديد وحيوي للمكان،

    • الموڤ كمان في الأبواب لون عصري وهيبقى جميل لو لونتي نفس الحيطة اللي فيها الباب بالموڤ.

تغيير ألوان أبواب البيت هيديكي إحساس إنك في بيت جديد وهيغير جو البيت تماماً. إستعيني بشركة تشطيب شقق عشان تساعدك في إختيار الألوان والخامات المُناسبة.

تعليقات (0)

اترك تعليق

اترك الرد