كل اللي محتاجه تعرفيه عن المطبخ الأمريكي

كل اللي محتاجه تعرفيه عن المطبخ الأمريكي

لو كنتي من الناس اللي بتحب الديكورات الغير تقليدية، يبقى أكيد مطبخك كمان لازم يكون مش تقليدي. طبعاً كُلنا عارفين موضة المطابخ الأمريكي. في المقال ده هنوضحلك مزايا وعيوب المطبخ الأمريكي وإزاي تتعاملي معاه.

مُميزات المطبخ الأمريكي:

  • شكله عصري، مودرن، وغير تقليدي،
  • بسبب كونه مفتوح وظاهر للضيوف، هيخليكي دايماً تحافظي على نضافته أول بأول وبالتالي فكرة إن المواعين تتراكم عليكي دي هتبقى شبه مُستحيلة،
  • لو مساحة مطبخك صُغيرة وعملتيه أمريكي أو بمعنى أصح فتحتيه هيكون أكبر بكتير من مساحته الحقيقية،
  • بما إن الست الشرقية بتقضي تقريباً نُص يومها في المطبخ، فالمطبخ الأمريكي هيخليكي تحسي براحة نفسية كبيرة لإنك مش هتحسي إنك معزولة عن الشقة وفي مكان لوحدك.

عيوب المطبخ الأمريكي:

  • ريحة الأكل للأسف هتطلع بره في الشقة وخصوصاً لو عملتيه قريب من الريسبشن فمُمكن الريحة تلزق في الأنتريه علشان كده لازم تستخدمي شفاط كويس ودايماً تهتمي بالتهوية وقت الطبخ وإستخدام مُعطرات الجو،
  • كمان مش أي حد ممكن يكون مرتاح في المطبخ المفتوح خصوصاً لو في ضيوف في البيت.

إختيارك للمطبخ الأمريكي المفتوح أو التقليدي المقفول بيعتمد بشكل أساسي على أسلوب حياتك إنتِ وأسرتك. تايلز تولز قدمتلك كُل التفاصيل اللي مُمكن تحتاجيها في إختيارك.

تعليقات (0)

اترك تعليق

اترك الرد