5 خطوات لزيادة إضاءة البيت باستخدام الديكور

5 خطوات لزيادة إضاءة البيت باستخدام الديكور

عادةً الأوض اللي مبيكونش فيها شبابيك أو مبيوصلهاش الشمس بتكون ضلمة أو إضاءتها أقل من باقي البيت. ولإن الأماكن المظلمة بتزود الإكتئاب والإضطراب النفسي، فلازم تلاقي حل علشان تزودي إضاءتها بنفسك.

زي ما قلنا قبل كده إن الديكور وجد حل لكُل المشاكل. علشان كده، في المقال ده تايلز تولز هتقدم نصايح لزيادة إضاءة الغرف باستخدام الديكور:

  • ادهني السقف باللون الأبيض، مش الأوف وايت ولا البيج ولا الكريمي، ادهنيها بالأبيض الصريح. معروف إن السقف الأبيض بيخلي الأوضة تبان أطول لكن اللي مش معروف إنه بيزود إضاءة الأوضة واشراقها،
  • المرايات كمان غير إنها بتدي مساحة أوسع للمكان، فهي كمان بتعكس الإضاءة وبالتالي بتزود إضاءة المكان،
  • لو هنتكلم عن أثاث أو فرش الأوضة، فـ هنحتاج نختار الفرش الصغير والبسيط والشفاف على أد ما نقدر. الفرش التقيل والكبير بيخنق الأوضة، كمان على أد ما تقدري حاولي تختاري اللون الأبيض لإنه أكتر لون بيعكس الإضاءة. كمان الألوان المعدنية بتعكس مصادر الضوء،
  • كمان السجاد الغامق بيقلل إضاءة الأوضة بشكل كبير. يمكن تحسي إن الموضوع بسيط لكن لو جربتي تستبدلي السجادة الغامقة بسجادة أفتح أو بسجادة ملونة بألوان فاتحة هتحسي بإشراق وفرق كبير في إضاءة الأوضة كلها،
  • أمّا بالنسبة لدهان جدران الأوضة نفسها فلازم برضة تكون ألوان فاتحة، ولو حبيتي تركزي النظر وتلفتي الإنتباه لحاجة مُعينة أو جانب مُعين من الحيطة يبقى لازم تدهينيها بلون أفتح من باقي الأوضة. إستخدام ألوان الباستيل هيكون مُمتاز.

تايلز تولز شركة تشطيب مُتخصصة هتساعدك دايماً في إستخدام الديكور لحل أي مشاكل بتواجهك في التشطيب أو التجديد.

تعليقات (0)

اترك تعليق

اترك الرد