جهزي بيتك لإستقبال فصل الشتاء

جهزي بيتك لإستقبال فصل الشتاء

الشتاء خلاص على الأبواب و بما إننا دايماً بنقضي مُعظم وقتنا في البيت بنهرب من برودة الجو بره فلازم توفري لأفراد أسرتك الجو الدافي اللي بيدوروا عليه في البيت.

تايلز تولز هتديكي نصايح بسيطة لكن فعالة هتساعدك على خلق مُناخ دافي لأسرتك في الشتاء.

  • إختيارك للألوان مُهم جداً لأن الألوان ليها تأثير قوي على الحالة النفسية للأفراد يعني في ألوان باردة زي الأزرق، الأبيض، والألوان الفاتحة ودول لازم تبعدي عنهم وألوان دافية زي الأحمر، البرتقالي، الأصفر ودول حاولي تستخدميهم بأكبر قدر مُمكن في الشتاء،
  • استبدلي الستاير الخفيفة زي الشيفون الخاصة بفصل الصيف بستاير تانية تقيلة للشتاء من خامات مخملية وبكذا طبقة. كمان استخدمي للستاير ألوان زي البني الغامق والبيج بدرجاته،
  • هتحتاجي كمان تستخدمي مفارش جديدة للسراير والكنب وأكياس المخدات بنفس الخامات المخملية والشمواه اللي بتزود الدفء في البيت،
  • طبعاً الدفاية من الحاجات الأساسية في الشتاء سواء كانت دفاية نيران أو دفاية كهربائية لأن دايماً بتكون اللمة حواليها آخر اليوم،
  • املي بيتك زهور باللون الأصفر، الأحمر الصارخ، والبرتقالي هتدي إحساس ناعم بالدفء وبالحرارة،
  • طبعاً لو أرضيات بيتك بالسيراميك يبقى لازم تغطيها بسجاد سميك وبألوان غامقة ودافية زي اللي شرحناها قبل كده. أمّا لو كانت الأرضيات من الباركيه مفيش داعي تغطيها لأن هو بيحافظ على حرارة البيت.

حاجات كتير تقدري تستخدميها في البيت كإكسسوارات هتدي إحساس بالدفء والحرارة. ناقشنا هنا أفكار مُهمة لتجهيز البيت لفصل الشتاء.

تعليقات (0)

اترك تعليق

اترك الرد